តើធ្វើដូចម្តេច ទើបបាន រាងស្លីម​ (slim) បែបធម្មជាតិ?

August 30th, 2015 by K
យើងសូមមិនណែនាំ អោយអ្នកបើថ្នាំសំរាប់ ការទទួលបាន រាងស្លីម នោះទេ ដូច្នេះយើងសូមណែនាំ វិធីបែបធម្មជាតិមួយចំនួនដូចតទៅ៖
១. បញ្ឈប់ទំលាប់ញ៊ាំអាហារ មុខទូរទស្សន៍ លោកអ្នកអាចញ៊ាំអាហារលើតុអោយរួចរាល់ ហើយមើលទូរទស្សន៍ជាក្រោយ។
២. កែប្រែទំលាប់ពិសារច្រើន ក្នុងមួយពេលៗ ទៅជាពិសារតិចៗ​ តែញឹកវិញ ដើម្បីអោយក្រពះអាចកិនអាហារអស់ គ្មានសល់កាកសំនល់អាហារ។ ឧ.​ ១ថ្ងៃញ៊ាំ៣ដងច្រើនៗ ត្រូវប្តូរទៅ​ជា ពិសារ ៦ដងតិចៗវិញ។
៣. កាត់បន្ថយទំលាប់ ពិសារសាច់សុទ្ធ អ្នកគួរពិសារសាច់លាយបន្លែ ពិសារតែពេលឃ្លានបានហើយ។​ ពេលឈប់ឃ្លានពេលណា ឈប់ពិសារពេលនោះ កុំស្តាយម្ហូប។ បើឃ្លានទៀត ចាំពិសារទៀត។
៤.​ ពិសារអាហារជិវជាតិ ដែលមានជាតិសសៃ (fiber) ដូចជាចេក។
៥. ពិសារយឺតៗ មួយៗ ទំពារអោយម៉ត់​ ទើបលេបចូលពោះ។ ពិសារបែបនេះ ធ្វើអោយអ្នកឆាប់ឆ្អែត និងពិសារបានតិច ហើយក្រពះកិនបានល្អ។
៦. ពិសារទឹកមួយពែង មុនពេលញ៊ាំអាហារ។
៧. អ្នកត្រូវតែពិសារបន្លែ និង ផ្លែឈើរាល់ថ្ងៃ ដើម្បីទទួលបានលទ្ធផលឆាប់។
៨. ហាត់ប្រាណ៣០នាទី  និង សំរាកអោយបាន ពី​ ៧ទៅ៩ម៉ោង ជារៀងរាល់ថ្ងៃ។
៩. ពិសារតែបៃតងដើម្បី ជួយប្រព័ន្ធភាពស៊ាំ របស់រាងកាយ។