វិធី​សាស្ត្រ​ងាយៗ ​ក្នុង​ការ​សម្រក​ទំងន់ ដែល​អ្នក​គួរ​អនុវត្តន៍​ជា​ប្រចាំថ្ងៃ!

September 5th, 2015 by K
ជាទូទៅ មនុស្សម្នាក់ៗ រមែងចង់​អោយ​ខ្លួន​ឯង មានរូប​រាង​ស្រស់​ស្អាត ជានិច្ច ហើយ តែង​តែ​ហាត់​ប្រាណ តប​ចំណី អាហារ​ជាដើម ។ ដោយ​ឡែក ពួក​គេ មិន​ទាន់ដឹងទេថា គ្រាន់តែធ្វើលំហាត់ប្រាណ ដោយ​ការ​ដើរ ក៏អាចជួយអោយ សម្រកទំងន់បានដែរ ប្រសិនបើ អ្នកដើរ ក្នុងមួយសប្តាហ៍ ឫច្រើនជាងនេះ អាច​ជួយ​សម្រកបាន មួយផោន បើដើរ 5 ខែ ស្រក 20 ផោន។
ខាងក្រោមនេះ គឺជាវិធីសាស្ត្រងាយៗ បន្ថែមទាក់ទង នឹងការដើរ ធ្វើដំណើរយ៉ាងណា ដើម្បីអោយ ស្រក​ទំងន់​ច្រើនជាងនេះ ហើយវិធីសាស្រ្តនេះ នឹងធ្វើអោយ អ្នកពេញចិត្ត និងចូលចិត្ត រៀនតែម្តង ជាពិសេស អនុវត្តន៍ជាប្រចាំថ្ងៃ៖

1. របៀបសម្រក ទំងន់ដោយការដើរ

ជាធម្មតា ប្រសិនបើអ្នកដើរ ក្នុងល្បឿនថេរ យ៉ាងហោចណាស់ 4 miles ក្នុងមួយម៉ោង នឹងជួយអោយ អ្នក​ស្រកបានប្រហែល 400 កាឡូរី ក្នុងមួយម៉ោង។ ប៉ុន្តែ ប្រសិនបើ ជំហាន របស់អ្នកខ្លី អ្នកអាច ដើរ​ត្រឹម 3 ម៉ែត្រ ក៏អាចស្រកបាន 300 កាឡូរី ក្នុងមួយថ្ងៃ ផងដែរ។ ដូច្នេះ អ្នកអាចអនុវត្តន៍ តាមរបៀបនេះ នឹងជួយអោយ អ្នកមានរូបរាង ស្រស់ស្អាតបានដែរ។

2. ការប្រើប្រាស់ឧបករណ៍វាស់ស្ទង់ចំងាយ

ប្រសិនជា អ្នកមានឧបករណ៍ វាស់ស្ទង់ចំងាយ ល្បឿនក្នុងការដើរ ទៀតរឹតតែល្អប្រសើរ។ ពេលខ្លះយើង​មិនអាចកំនត់ ពីល្បឿនក្នុងការដើរ អោយបានថេរ ជារៀងរហូត នោះទេ ហើយក៏មិនដឹង ថាដើរល្បឿន​ប៉ុណ្ណឹង លឿនពេក ឫក៏យឺតពេកទេ។ អញ្ចឹងហើយបើ មានឧបករណ៍នេះ ជាជំនួយក្នុងការ មើលទៀត ហើយដើរបាន 8000 ជំហាន ជាប្រចាំថ្ងៃ និងរក្សាលំនឹង អោយបានល្អ ប្រាកដជា ឆាប់ស្រក កាន់​តែ​លឿន។

3. ចំងាយក្នុងការដើរសម្រកទំងន់

ជាមធ្យម មនុស្សម្នាក់ៗ ត្រូវការដើរ យ៉ាងហោច ក្នុងមួយថ្ងៃ 2000 ជំហាន ស្មើនឹង 1 mile ទើបស្រក​ទំងន់បាន។ អញ្ចឹងហើយ ក្នុងមួយសប្តាហ៍ ត្រូវការដើរ អោយបាន 10000 ជំហាន ទើបជួយ កាត់បន្ថយ កាឡូរីបាន 500 ជាប្រចាំ។
ដូច្នេះហើយ ប្រសិនបើ អ្នកចង់ សម្រកទំងន់ បែបធម្មជាតិ មានរូបរាង ស្រស់ស្អាត អ្នកគួរគប្បី អនុវត្តន៍​របៀបខាងលើ អោយបានត្រឹមត្រូវ តាមមាត្រដ្ឋាន ទើបអាចឆាប់ សម្រកទំងន់ បានយ៉ាងរលូន ដោយ​មិន​មាន​ការតបអាហារ និងធ្វើលំហាត់ប្រាណផ្សេងៗ នាំអោយ ពិបាកខ្លួនឡើយ។